എന്റെ മൊബൈല്ഫോണ് പോയേ........................
വീടിനു സമീപമുള്ള റോഡില് നിന്നും വാഹനങ്ങളുടെ ബഹളം കേട്ടാണ് അന്ന് ഫിലിപ്പോസ് ഉറക്കമുണര്ന്നത്. എന്തേ അലാറം അടിക്കാത്തെ എന്നറിയാന് മൊബൈല് ഫോണ് തിരഞ്ഞ കൈയ്യില് ഒന്നും തടഞ്ഞില്ല. നിലത്തു വീണിട്ടുമില്ല. എഴുന്നേല്ക്കാതെ തന്നെ അമ്മയെ വിളിച്ച് മൊബൈല് ഫോണ് തിരക്കി. ആ മറുപടി അയാളെ ഞെട്ടിച്ചു. ചാടി എഴുന്നേറ്റ് മുറി മൊത്തം പരതി. അമ്മയുടെ മൊബൈലില് നിന്നും വിളിച്ചു നോക്കാനായി അമ്മയുടെ അടുത്ത് ചെന്നപ്പോള് അമ്മ മൊബൈല് ഫോണ് തിരയുകയായിരുന്നു. കൈയിലൊരു ചാര്ജറും ഉണ്ടായിരുന്നു. ഫിലിപ്പോസിന് ആകെ തല കറങ്ങി. ഒന്നും രണ്ടുമല്ല, രൂപ 20000 ആണ് ആ മൊബൈല് ഫോണിന്റെ വില. അല്ല വീട്ടിലെ എല്ലാ ഫോണുകളും മോഷണം പോയോ? എന്നിരുന്നാല്തന്നെ മോഷണം നടന്നതിന്റെ അറിയിപ്പുകള് ഒന്നുമില്ല. അങ്ങിനെ നില്ക്കുമ്പോഴാണ് ശേഖര് വീട്ടിലോട്ടു വരുന്നത്. അവന്റെ വീട്ടിലും തൊട്ടടുത്ത വീടുകളിലുമുണ്ടായിരുന്ന മൊബൈല് ഫോണുകളെല്ലാം കാണാതായിരിക്കുന്നു. ഇത്തവണ ഫിലിപ്പോസ് ശരിക്കും ഞെട്ടി. അപ്പോഴാണ് ഓര്ത്തത്, ശാരിയെ വിളിക്കാന് സമയ...